風雲叵測

天有不測之風雲，打風打唔甩都會翻轉頭！話說上回講到咱們一等良民望唔到打風，放多日假之夢被捏碎，不旋踵果風球居然來招回馬槍，確係弄得人人狼狽。
正是小弟出去買晏晝飯盒－－新景園咖哩豬排飯，在店門等取外買之際，身邊的貨車司機跟師傅交談，一開口就是話掛八號波，下晝唔使出車等語。頓時心忖，唔係呀嘛，早唔蒞遲唔蒞，較得咁準，待本少享用美味午餐時才來攪攪震，真箇可怒也。
下班回家，街上行人擁擠，交通塞到不堪，幸乎小弟住得近，踏十一號，費了卅五分鐘，全程不用開遮，安全抵寓。